لمكاتب المحاماة في مصر
LawCore نظام تشغيل مكتب المحاماة: قضاياك وجلساتك في مكان واحد، مواعيد الطعن محسوبة بالمادة، رول الجلسات على الواتساب كل صباح، تقرير بكل اللي حصل في آخر اليوم، والموكل بيتبلّغ بقرار الجلسة من رقم مكتبك.
عربي بالكامل · بيشتغل على الموبايل · بدون بطاقة في التجربة · بياناتك ملكك وتصدّرها في أي وقت
إحنا مش بنبيعلك «نظام إدارة». بنحلّ أربع حاجات بتكلّف المكتب فلوس وسُمعة كل شهر.
الحكم صدر وانت مشغول في جلسة تانية، وميعاد الاستئناف بيجري. أخطر غلطة في المكتب، وأغلى واحدة كمان — مسؤولية مهنية مش بس قضية خسرت.
«حضرتك عملنا إيه في القضية؟» — السكرتارية بتردّ على نفس السؤال عشر مرات في اليوم، والموكل مش مطمّن لأن محدش بيبلّغه بحاجة.
رسوم ودمغة وأمانة خبير وانتقالات بتتدفع من جيب المكتب وتُنسى، وأتعاب متحصّلتش لأن محدش فاكر مين دفع كام وامتى.
كشكول الجلسات، وصور الأحكام على واتساب، والأرقام في دماغ محامي واحد. أول ما يسافر أو يسيب المكتب، الشغل بيقف.
كل حاجة هنا اتعملت لمكتب مصري بيترافع في محكمة مصرية — مش ترجمة لبرنامج أجنبي.
سجّل الحكم، والنظام يحسب الاستئناف والنقض والمعارضة ومعاه المادة اللي بيستند عليها — ويمدّ الميعاد لأول يوم عمل لو آخر يوم عطلة أو جمعة.
كل محامي بيستقبل جلسات يومه في الساعة اللي المكتب يختارها: المحكمة، الدائرة، الموكل، والمطلوب تحضيره. تفتحها وانت بتدخل المحكمة.
قبل ما تقفل المكتب، رسالة واحدة: اللي حصل النهاردة بالقرارات، والفلوس اللي دخلت، والمطلوب بكرة — جلسات ومواعيد ومأموريات. بدل اجتماع الصبح.
بعد كل جلسة، سطر واحد بقرار المحكمة يوصل للموكل من رقم مكتبك — مش من رقم غريب. تليفونات المكتب بتقل، والموكل بيحسّ إنه متابَع.
أول ما تكتب اسم موكل جديد، النظام يقولك لو الاسم ده ظهر قبل كده كخصم في ملف تاني — قبل ما توقّع التوكيل، مش بعده.
تواريخ التوكيلات ومدّتها وإلغاؤها، وتنبيه قبل ما التوكيل ينتهي — عشان متتوقفش على شباك المحكمة بتوكيل ميت.
كل مصروف محمّل على الملف، مطالبات أتعاب مرقّمة وقابلة للطباعة، وأمانات الموكلين في دفتر منفصل تماماً عن إيرادات المكتب — زي ما المهنة بتقتضي.
مكتبة صيغ جاهزة — صحف دعاوى ومذكرات وإنذارات — بتتعبّى من بيانات الملف لوحدها. تعدّل وتطبع، أو تخلي المساعد الذكي يكتب أول مسودة.
الابتدائي والاستئناف والنقض ملف واحد مترابط، مش تلات ملفات منفصلة تدوّر عليهم وتنسى واحد منهم.
رابط خاص للموكل يفتح صفحة قضاياه: الجلسات والقرارات واللي عليه — بدون حساب ولا كلمة مرور، وبدون ما يشوف أي حاجة عن موكل تاني.
للشركات اللي بتفوتر بالساعة: تسجيل الساعات على الملف، وتحويلها لمطالبة بسعر الساعة اللي كان ساري وقت الشغل نفسه.
كل عضو يشوف الملفات المكلّف بيها بس لو المكتب عايز كده، والقضايا السرية مقفولة إلا على المكلّفين. وكل تعديل مكتوب: مين غيّر إيه وامتى.
إدخال سريع للملف والموكل والمحكمة، أو ارفع ملف Excel فيه القضايا كلها لو عندك محفظة كبيرة.
امسح كود مرة واحدة من إعدادات المكتب، والرسايل تبدأ تطلع من رقم مكتبك — رول الصبح وتقرير آخر اليوم وتحديثات الموكلين.
أول ما تسجّل حكم، المواعيد بتتحسب وتظهر في الرول وتتنبّه قبل ما تنتهي. انت مش محتاج تفتكر.
ترخيص سنوي واحد للمكتب كله — مش سعر لكل مستخدم. السنة بعشر شهور، يعني شهرين مجاناً لو دفعت مقدّم.
للمحامي الفرد ومعاه سكرتارية
10,000 ج.م / سنة
أو 1,000 ج.م شهرياً · حتى 3 مستخدمين
للمكتب اللي فيه أكتر من محامي وبيتحاسب على أتعاب
25,000 ج.م / سنة
أو 2,500 ج.م شهرياً · حتى 10 مستخدمين
للإدارات القانونية ومكاتب التحصيل
سعر مخصّص
حسب عدد المستخدمين وحجم المحفظة — بنقعد نحسبها معاك.
الأسعار بالجنيه المصري ولا تشمل ض.ق.م إن استُحقّت. الدفع بالكارت أو التحويل أو انستاباي. مفيش رسوم تأسيس، والتصدير مجاني ومتاح دايماً — لو مشيت، بياناتك بتمشي معاك.
ملكك. تصدّر قضاياك وموكلينك وحساباتك في أي وقت من داخل البرنامج، وبدون ما تسأل حد. ومفيش حد من عندنا بيقدر يفتح ملفات مكتبك — لوحة التشغيل عندنا بتشوف أرقام وباقات، مش قضايا.
أيوه، والتصميم أساساً للموبايل — لأن المحامي بيفتحه في طرقة المحكمة مش على مكتبه. وتقدر تثبّته على الشاشة الرئيسية كتطبيق.
لأ، ومش بنوعد بده. مفيش API معلن لوزارة العدل، فالجلسات بتتسجّل بإدخال سريع. أي حد بيوعدك بمزامنة تلقائية مع المحاكم، اسأله إزاي.
أيوه — 14 يوم بكل المزايا مفتوحة، بدون بطاقة ولا التزام. ادخل قضاياك الحقيقية وشوف الرول بنفسك.
انت بتحدد. المكتب بيبدأ مقفول: كل عضو يشوف الملفات المكلّف بيها بس، وتفتحها لو عايز. وأي قضية تعلّمها «سرية» تفضل مقفولة على غير المكلّفين مهما كانت الإعدادات.
14 يوم بكل المزايا مفتوحة، بدون بطاقة. ادخل آخر خمس قضايا وشوف الرول وتقرير آخر اليوم بنفسك — لو مش عاجبك، سيبه.